Ana səhifə

Azərbaycan Milli İncəsənət Muzeyi

Azərbaycan Milli İncəsənət Muzeyi Respublikamızın ən nüfuzlularından birisi və incəsənət sahəsində aparıcı muzeyidir. 1920-ci ildən Azərbaycan Dövlət Muzeyinin nəzdində fəaliyyət göstərən incəsənət bölməsi Azərbaycan Xalq Komissarları Şurasının 1936-cı il 264 №-li qərarı ilə müstəqil muzey kimi ayrıldı. 6 may 1937-ci ildə ekspozisiyasının ilk təntənəli açılışı keçirildi. 1943-cü ildən muzey rəssam Rüstəm Mustafayevin adını daşımağa başladı, 2011-ci ildən isə Azərbaycan Respublikası Nazirlər Kabinetinin qərarına əsasən Rüstəm Mustafayev adına Azərbaycan Dövlət İncəsənət Muzeyinə Milli Muzey statusu verilmişdir. Muzey iki qonşu tarixi tikilidə - "De Burun malikanəsi" və "Mariinski Qadın Gimnaziyası" binalarında yerləşir. Binalar bir-birilə müasir üslubda tikilmiş şüşəli korpus vasitəsilə birləşmişdir. Muzeyin kolleksiyasında 18000 yaxın eksponat qorunub saxlanmaqdadır. Dünya təsviri və tətbiqi sənətinin bütün növlərini yetərincə dolğun şəkildə əks etdirən muzeydə Qərbi Avropa, Rus, İslam, Şərq ölkələri incəsənətinin və milli mədəniyyətimizin çeşidli örnəklərini görmək mümkündür. Muzeydə müxtəlif dövr və üslublara aid rəngkarlıq, qrafika, heykəltaraşlıq, dekorativ-tətbiqi sənət nümunələri (çini, bədii və qiymətli metal, tikmə və xalça) nümayiş olunur. Muzey müxtəlif sərgilər, xarici ölkələrin tanınmış muzeylərinin əsərlərindən təşkil olunmuş ekspozisiyalar və digər mədəni-kütləvi tədbirlərin keçirildiyi möhtəşəm məkandır. Eyni zamanda muzey geniş miqyaslı araşdırma və təbliğat fəaliyyəti ilə də məşğuldur. Burada elmi əsərlər, kataloqlar, bukletlər və albomlar nəşr etdirilir.

Daha ətraflı

Azərbaycan Milli Xalça Muzeyi

Azərbaycan Milli Xalça Muzeyi Azərbaycan SSR-nin Nazirlər Sovetinin 13 mart 1967-ci iltarixli 130 nömrəli sərəncamı ilə yaradılmışdır. 1967-1993-cü illərdə Azərbaycan Xalçası və Xalq Tətbiqi Sənəti Dövlət Muzeyi, 1993-2014-cü illərdə Lətif Kərimov adına Azərbaycan Xalçası və Xalq Tətbiqi Sənəti Dövlət Muzeyi, 2014-2019-cu illərdə Azərbaycan Xalça Muzeyi, 2019-cu ildən bu günədək Azərbaycan Milli Xalça Muzeyi adlanır.

Daha ətraflı

Azərbaycan Musiqi Mədəniyyəti Dövlət Muzeyi

Azәrbaycan Musiqi Mədəniyyəti Dövlət Muzeyi 1967-ci ildә yaradılıb. Muzeyin fəaliyyətinin əsas məqsədi və vəzifələri Azərbaycan musiqi tarixi ilə bağlı materialların toplanması, saxlanması, araşdırması və təbliğidir. Muzeyin fondunda 60 minə yaxın çox eksponat toplanmışdır. Azərbaycan Musiqi Mədəniyyəti Dövlət Muzeyi 1967-ci ildən 1996-cı ilə qədər İçərişəhərdə, Karvansarayda, Həqiqət Rzayeva küç., 9, 1996-cı ildən 2015-ci ilə qədər Rəşid Behbudov küç., 7 ünvanında fəaliyyət göstərmişdir. 2015-ci ildə Azərbaycan Musiqi Mədəniyyəti Dövlət Muzeyi Muzey Mərkəzinə, Neftçilər prospekti, 49 ünvanına köçmüşdür. Muzeyin zəngin kolleksiyalarında 60 minə yaxın eksponat saxlanılır. Muzeydə cəmi 297 ədəd musiqi aləti qorunub saxlanılır. Bunlardan 211-i Azərbaycan, 86-i isə qeyri-Azərbaycan alətidir. Bundan əlavə, 12 ədəd nadir musiqi qutusu mühafizə olunur. Bununla yanaşı muzeydə Keçəçioğlu Məhəmmədin, Xan Şuşinskinin qavalları, Şirin Axundovun, Qurban Pirimovun, Məmmədağa Muradovun, Bəhram Mansurovun, Həbib Bayramovun, Səid Rüstəmovun, Qasım Qasımovun, Kamil Əhmədovun, Ramiz Quliyevin,Valid Fərzəliyevin tarları, Aşıq Hüseyn Saraclının, Aşıq Xanların, Pənah Qurbanovun, Rəhilə Həsənovanın sazlarını, Qılman Salahovun kamançası və s. saxlanılır. Muzeydə 800-dən çox şəxsi arxiv var. Bunlar Azərbaycan bəstəkarlarından Soltan Hacıbəyovun, Cövdət Hacıyevin, Qara Qarayevin, Niyazinin, Fikrət Əmirovun, Zakır Bağırovun, Əşrəf Abbasovun, Hacı Xanməmmədovun, Tofiq Quliyevin, Süleyman Ələsgərovun, Şəfiqə Axundovanın, Oqtay Zülfüqarovun, Xəyyam Mirzəzadənin və başqa mədəniyyət xadimlərinin arxiv materiallarıdır. Muzeydə toplanan bu zəngin arxiv materialları Azərbaycanın musiqi tarixini daha da dərindən öyrənilməsinə və araşdırılmasına imkan yaradır. Muzeyin 4 filialı var: - Niyazinin Mənzil Muzeyi - Vaqif Mustafazadәnin Ev Muzeyi - Qara Qarayevin Ev Muzeyi Muzeyin nәzdindә 15 musiqiçini özundә birlәşdirәn Qәdim Musiqi Alәtlәri Ansamblı fәaliyyәt gostәrir.

Daha ətraflı

Milli Azərbaycan Tarixi Muzeyi

AMEA Milli Azərbaycan Tarixi Muzeyi Azərbaycan tarixinin bütün dövrlərinə aid maddi və mənəvi mədəniyyət abidələrinin toplanması, öyrənilməsi, nümayişi, təbliği ilə məşğul olan elmi tədqiqat və mədəni - maarif müəssisəsidir.

Daha ətraflı

Tahir Salahovun Ev-Muzeyi

Tahir Salahovun Ev–Muzeyi 2012-ci ildən fəaliyyətə başlamışdır.

Daha ətraflı

Bülbülün Memorial Muzeyi

Bülbülün Memorial Muzeyi 1976-cı ildə yaradılıb. Muzey 4 ekspozisiya otağında yerləşdirilib.

Daha ətraflı

Abdulla Şaiqin Ev-Muzeyi

Muzey 1905-ci ildə qurulub. Abdullah Şaiqin Ev-Muzeyi dörd otaqdan ibarətdir. Birinci otaqda yazıçının öz kitabları və onun "Şahnamə", "Macbet", "Gülliver", "Robinson Crusoe" və digər əsərləri ilə tərcümə edilmiş müxtəlif əsərləri nümayiş etdirilmişdir.

Daha ətraflı

Yusuf Məmmədəliyevin Memorial Muzeyi

1985-ci ildən fəaliyyət göstərir. 2013-cü ildə muzeyin sahəsi genişləndirilmişdir. 2015-ci ildən isə muzeyin nəzdində Gənc Alimlər Klubu yaradılmışdır.

Daha ətraflı

Nizami Gəncəvi Muzeyi

Nizami Gəncəvinin 840 illiyi münasibətilə 1980-ci ildə 2 seriyalı “Nizami” filminin çəkilişi üçün şəhərin İsmət Qayıbov küçəsi III döngə 10 li ünvanda ev maket kimi tikilmişdir. 1984-cü ildən etibarən Gəncə şəhər Mədəniyyət İdarəsinin Strukturunda həmin ev-maketdə Nizami Gəncəvi Xatirə Ev Muzeyi fəaliyyətə başlamışdır. 2004-cü ilin yanvar ayının 1-dən 2014-cü ilə kimi şəhərin Təbriz küçəsində yerləşən “Qızıl Hacılı” Tarix-Memarlıq abidəsində fəaliyyətini davam etdirmişdir. 2013-cü ildə “Heydər Əliyev Fondu”nun dəstəyi ilə Nizami Gəncəvi Məğbərəsinin ərazisində müasir üslubda 4 mərtəbəli bina inşa edilmişdir. Binada 493 m2 ekspozisiya zalı 12 otaq 100 nəfərlik konfrans zalı və 1 kafe vardır. 2014-cü ilin yanvar ayının 21-dən Azərbaycan Respublikasının Prezidenti cənab İlham Əliyev Gəncə şəhərinə növbəti səfəri zamanı muzeyin açılış mərasimində iştirak etmişdir. Nizami Gəncəvi Xatirə ev Muzeyində 542 eksponat var. Bunlardan 418 ekspozisiyada nümayiş etdirilir. Muzeyin ən qədim eksponatı Nizami Gəncəvi Beynəlxalq Mərkəzi tərəfindən gətirilmiş orijinal “Xəmsə” əl yazmaları və Qurani Kərimdən nümunələrdir.

Daha ətraflı

Mir Cəlal Paşayevin Ev-Muzeyi

Mir Cəlal Paşayevin Ev Muzeyi görkəmli ədibin 100 illiyi ərəfəsində, 2007-ci il sentyabrın 29-da açılmışdır. Görkəmli nasir, ədəbiyyatşünas alim və pedaqoq M.C.Paşayev müasir Azərbaycan ədəbiyyatının əsasını qoyanlardan biri olmuşdur. Muzeydə nümayiş etdirilən eksponatlar M.C.Paşayevin əsərlərindən, sənədlərdən, həyat və fəaliyyətini əks etdirən müxtəlif fotoşəkillərdən ibarətdir. Nümayiş olunan eksponatlar atlar içərisində ədibin şəxsi pasportu, orden və medalları xüsusilə diqqəti cəlb edir. Hal-hazırda muzeydə eksponatların sayı 350-dən çoxdur.

AZƏRBAYCAN MUZEYLƏRİ

Muzeyi peşəkardan öyrənək” adlı layihəyə start verilir

Zəngilan İşğal və Zəfər muzeyləri kompleksinin təməli qoyuldu

“Geyimin cazibəsi: Belqrad Etnoqrafiya Muzeyinin sərgisi”

“Hippolar: iqlim dəyişikliyi ilə mübarizə üçün dünya səyahəti”

“Belçikaya komikslərlə səyahət”

Həyatını məhv etmə!

“Əcdadların izi ilə”

“Muzey dəfinələri”

“Xurşidbanu Natəvan - 190. Məclisi - Natəvan”

Azərbaycanın muzey dünyasını kəşf edin

Ünvan

Əlaqə telefonu

E-poçt

Elektron müraciət